Qo‘qon shahar hokimi Marufjon Usmonov mutasaddilarga kambag‘allikni qisqartirish va aholi bandligini ta’minlash bo‘yicha vazifalar belgilab berdi. Muloqot chog‘ida davlatimiz rahbari raisligida kambag‘allikni qisqartirish va aholi bandligini ta’minlash bo‘yicha o‘tkazilgan videoselektor yig‘ilishida hamda Prezidentimizning Toshkent shahridagi Olmazor tumaniga qilgan tashrifi davomida berilgan topshiriqlar ijrosini ta’minlash, mahallalarda turizm, drayver sohalar va raqamlashtirishni rivojlantirish, davlat xizmatchilarining o‘z ishiga bo‘lgan mas’uliyatini oshirish masalalariga e’tibor qaratildi. Mutasaddi rahbarlarga shuningdek, Aholi va qishloq xo‘jaligini ro‘yxatga olish tadbirlarini yuqori saviyada tashkil etish, ta’lim muassasalarida davomatni ta’minlash, axborot texnologiyalarga o‘qitish va sun’iy intellektdan foydalanishni ommalashtirish yuzasidan ham ko‘rsatmalar berildi. Qo‘qon shahar hokimi “Tashabbusli byudjet” jarayonlarini o‘tkazish hamda moliyalashtirish tartibi to‘g‘risidagi nizomga kiritilgan o‘zgarish va qo‘shimchalar, Prezidentimizning “Tashabbusli byudjet jarayonlarini takomillashtirish doirasida xalq vakillari va saylovchilar o‘rtasida hamkorlikni kuchaytirish chora-tadbirlari to‘g‘risida”gi qarori mazmun mohiyatiga ham alohida to‘xtalib o‘tib, mahallalardagi infratuzilmalarni yaxshilash maqsadida “Tashabbusli byudjet” platformasidan keng foydalanish bo‘yicha ham vazifalar belgilab berdi.