Shahrimiz atmosferasiga o‘simliklar tomonidan ishlab chiqariladigan kislorod hajmini oshirish, havoning musaffoligi, hududlar obodonchiligini ta’minlash maqsadida "Yashil makon" aksiyasi doirasida markazlashgan tartibda mahallalar, idora-tashkilotlar hamda ta’lim maskanlarida ommaviy ko‘kalamzorlashtirish tadbirlari bo‘lib o‘tmoqda. Davlatimiz rahbari tomonidan ekologik muvozanatni ta’minlash bo‘yicha bergan topshiriqlar ijrosini ta’minlash maqsadida Qo‘qon shahar hokimi boshchiligida hududlarda aholi bilan hamjihatlikda manzarali va mevali daraxtlar ekilmoqda. Xususan, "Tolzor" mahallasida bo‘lib o‘tgan tadbirda mahalla tizimi mutasaddilari, nuroniylar va yoshlar bir yoqadan bosh chiqarib, ko‘p qavatli uylar hududidagi yashil maydonlarni obod etishda qatnashdilar.