Xususan, 15 davlat umumiy o‘rta ta’lim maktabida alohida ta’lim ehtiyojlari bo‘lgan bolalar uchun inklyuziv ta’lim sinflari tashkil etilib, zarur moddiy-texnik baza, pedagogik va psixologik sharoitlar bosqichma-bosqich yaratib kelinmoqda. Qo‘qon shahar hokimi Marufjon Usmonov ushbu maktabda faoliyat yuritayotgan inklyuziv sinflarning o‘quv jarayonlari, o‘quvchilarga yaratilgan sharoitlar va ularning rivojlanishi uchun ko‘rsatilayotgan pedagogik qo‘llab-quvvatlash tizimi bilan yaqindan tanishdi. Qo‘qon shahar hokimi maktabda inklyuziv ta’limni rivojlantirish borasida mavjud muammo-masalalarni ham o‘rganib, mutasaddilarga vazifalar belgilab berdi.