Ushbu maqsadda Qo‘qon shahar hokimi "Buyuk ipak yo‘li" savdo kompleksida tadbirkorlar bilan muloqotda bo‘lib, Prezidentimiz tashabbuslari bilan soliq siyosatiga ro‘y bergan misli ko‘rilmagan o‘zgarishlar, aylanma mablag‘ uchun atigi bir foiz soliq to‘lash uchun yaratilgan imkoniyatlar, to‘lovlarni onlayn, mobil ilovalardan o‘tkazish uchun yaratilgan sharoitlarni ta’kidlab o‘tib, barchani qonuniy faoliyat olib borishga chaqirdi. Qo‘qon shahar hokimi bozorlarni raqamlashtirish, xususan ijara to‘lovlarini onlayn amalga oshirish, yaratilgan ilovalardan foydalanish darajasini ham o‘rganib, bozor mutasaddilari bilan suhbatda bo‘ldi. Mas’ullarga 48 soat ichida barcha texnik masalalarni hal etib, to‘liq raqamli tizimga o‘tish yuzasidan ko‘rsatmalar berildi.