Ekran o‘lchami:
Shrift o‘lchami:





Qo‘qon shahar hokimi Yangi O‘zbekiston massivida bo‘lib, ushbu hududda barpo etilayotgan turar joy majmualarida amalga oshirilayotgan qurilish ishlari holati bilan yaqindan tanishdi. Tashrif davomida aholining uy-joyga bo‘lgan ehtiyojlari hamda sotib olish qobiliyatlaridan kelib chiqqan holda foydalanishga topshirilgan xonadonlarning sifati, ularning yashash uchun qulayligi, xavfsizligi va zamonaviy talablarga mosligi ko‘zdan kechirildi. Qurilayotgan turar joylar eng yuqori darajadagi loyiha asosida barpo etilgani, xonadonlar xavfsiz, qulay va barcha zarur muhandislik-kommunikatsiya tarmoqlari bilan ta’minlangani qayd etildi. Shuningdek, massiv hududida aholi dam olishi uchun istirohat bog‘lari, bolalar va sport maydonchalari, savdo va xizmat ko‘rsatish obyektlari bir joyda jamlangani bilan alohida ajralib turishi ta’kidlandi. Shahar hokimi Yangi O‘zbekiston massivi zamonaviy shaharsozlik talablariga javob beradigan, estetik jihatdan ko‘rkam va aholi uchun barcha qulayliklarga ega turar joy shaharchalaridan biri ekanini qayd etib, mas’ullarga qurilish sifatini doimiy nazorat qilish, obodonlashtirish ishlarini izchil davom ettirish hamda infratuzilmani yanada takomillashtirish bo‘yicha tegishli topshiriqlar berdi.
Bizni ijtimoiy tarmoqlarda kuzating!





Sichqoncha bilan belgilab