Shahrimizdagi Prezident qabulxonasida bo‘lib o‘tgan qabulda aholi va biznes vakillarining muammo va masalalarini hal etish choralari ko‘rildi. Qabulda murojaatlarga aloqador mas’ul rahbarlar va ommaviy axborot vositalari ham ishtirok etdilar. Murojaatlardagi masalalar ko‘rib chiqilib, mutasaddilarga tegishli ko‘rsatmalar va yo‘riqnomalar berildi. Xususan salomatligi va ijtimoiy holatidan shikoyat qilib kelgan fuqaroga dori-darmoniga yordam ko‘rsatiladigan bo‘ldi. Qabulda shuningdek, uy-joy ijarasi to‘lovlariga yordam ko‘rsatish, ishga joylashish, tadbirkorlik faoliyatini rivojlantirishga doir masalalar ham o‘rganilib, ijobiy yechimini topdi.