Qo‘qon shahar hokimi Marufjon Usmonov kun tartibidagi masalalarga aloqador rahbarlar, mahalla tizimi mutasaddilari bilan muloqotda bo‘lib, norasmiy faoliyat yuritayotgan tadbirkorlarni ro‘yxatdan o‘tkazish, aholini yer va mol-mulk solig‘i, kommunal idoralardan bo‘lgan qarzdorligini bartaraf etish yuzasidan vazifalar belgilab berildi. Yig‘ilishda Qo‘qon Markaziy dehqon bozorida barcha tadbirkorlar ro‘yxatdan o‘tib, qonuniy faoliyat yuritayotgani e’tirof etildi. Sanoat bozorlarida ham yil yakuniga qadar barcha biznes subyektlarini rasmiy faoliyat yuritishini ta’minlash bo‘yicha ko‘rsatmalar berildi.