Qo‘qon shahar hokimi Marufjon Usmonov mahalla tizimi, mas’ul idora, tashkilotlar mutasaddilari bilan muloqotda bo‘lib, aholining ijtimoiy muammolarini hal etish, kambag‘allikdan chiqarish, kichik biznes va tadbirkorlik, hamda kasanachilikka keng jalb etish yuzasidan vazifalar belgilab berdi. Marufjon Usmonov "Yashil makon" aksiyasi doirasida hududlarni obodonlashtirish va ko‘kalamzorlashtirish masalalariga ham alohida e’tibor qaratib, mas’ullarga manzarali va mevali ko‘chat ekish, ekinlarni parvarishlash, ko‘kalamzorlashtirish tadbirlariga aholini keng qatlamlarini jalb etish bo‘yicha ham ko‘rsatmalar berdi.