Muzokaralar chog‘ida Xudoyorxon O‘rdasini YUNESKO Jahon madaniy meros obyektlari ro‘yxatiga kiritish, Portugaliyadan sayyohlarni Qo‘qon shahriga jalb etish va turli yo‘nalishlarda o‘zaro manfaatli aloqalarni rivojlantirish masalalari muhokama etildi. Muzokaralarda Farg‘ona viloyati hokimining O‘rinbosari Xurshidjon Axmedov ham ishtirok etib, Portugaliya bilan turizm sohasidagi loyihalarni amalga oshirish, shu jumladan an’anaviy yo‘nalishlarda tashqari ekologik turizm, gastronomik turizm yo‘nalishlarini rivojlantirish yuzasidan o‘z takliflarini bildirdi. Qo‘qon shahar hokimi bu borada Qo‘qon o‘rmon xo‘jaligi, "Mehrigiyo" korxonasi kabi maskanlarda mavjud imkoniyatlar xususida ma’lumot berib, Qo‘qon shahrida hunarmandchilik sohasida erishilgan natijalarni alohida ta’kidlab o‘tdi.