Butun respublikamizda va xorijda ma’lum ulgurji va chakana sanoat bozorlari, atrof hududlardan yuz minglab aholiga xizmat ko‘rsatayotgan markaziy dehqon bozori, Avtotransport bozori, Qushlar bozori va o‘nlab kichik eko bozorchalar qatori endi Qo‘qon shahrida yirik yangi va zamonaviy xonadonlar bozoriga ham asos solindi desak mubolag‘a bo‘lmaydi! Kelib qoling olib qoling! Ertaga infratuzilmalar ishga tushib narxlari oshganda armonda qolmang! Hozir birinchi qo‘l banklardan o‘zingiz va farzandlaringiz uchun, kezi kelsa bo‘sh mablag‘laringizni band qilish uchun Yangi O‘zbekiston xonadonlarini xarid qiling! Qo‘qon shahar hokimi Marufjon Usmonov barcha shahar rahbarlari, mahalla tizimi mutasaddilari bilan Yangi O‘zbekiston mavzesi savdo ofisida muloqot qilib, barcha uy-joyga muhtoj fuqarolarga uy-joy sotib olishga ko‘maklashish, mavjud kredit liniyalari, birinchi to‘lovga beriladigan subsidiyalar xususida aholini keng xabardor etish va barcha mas’ullarni yangi uy-joylardan sotib olishga targ‘ibot qildi. Qo‘qon shahar hokimi va rahbarlar uchun qurilish kompaniyalari va banklar mas’ullari ishtirokida yangi O‘zbekiston mavzeiga taqdimot ekskursiyasi tashkil etilib, uylarning sifati, ishlatilgan qurilish materiallari, nazarda tutilgan infratuzilma obyektlari xususida ma’lumot berildi. Darhaqiqat urbanizatsiya sohasidagi ekspertlar tomonidan shahar ichidagi shahar deb baholanayotgan ulkan mavzeda maktab, bog‘cha, sog‘liqni saqlash va xizmat ko‘rsatish obyektlari, avtoturargohlar, dam olish maskanlari ushbu hududda yashaydigan aholini barcha ehtiyojlarini shu yerning o‘zida to‘liq qondira oladi. Prezidentimizning dono siyosatlari natijasida kelajak bugunga aylanib, osmono‘par binolar ko‘lini ko‘ksiga qo‘yib xalqimizni baxtli va farovon hayot sari chorlamoqda. Marufjon Usmonov mutasaddilar hamrohligida bitkazilgan xonadonlar, zamonaviy liftlar, ventilyatsiya tizimlari, uylardagi shart-sharoitlarni kirib o‘z ko‘zi bilan ko‘rib, quruvchilar bilan muloqotda bo‘ldi. Menga ikki xonali, menga esa uch, to‘rt xonali o‘g‘limni uylamoqchiman, menga bir xonali, hovlimizda juda tiqilishib qolganmiz, ekskursidan so‘ng mas’ullar uylar sotib olishga shartnomalar imzola boshladi. Kim naqdga, kimgadir kreditga. Arzonligida olib qo‘yaylik. Yangi Qo‘qon, yangi orzular va yangicha hayot! Keling hamshaharlar, Allo! Bizni ham shunday uylarda yashaydigan vaqtimiz keldi.