Xususan, "Ashurali Zohiriy" mahallasida mahalla kengashi a’zolari, fuqarolar va mahalla yettiligi bilan bo‘lib o‘tgan muloqot chog‘ida mamlakatimizda aholi muammolarini mahallabay hal etish prinsipi mazmun-mohiyati xususida ma’lumot berildi. Marufjon Usmonov mutasaddi rahbarlar ishtirokida aholini qiynab kelayotgan muammolarni ham o‘rganib, mas’ullarga mahallada auksionga chiqarilgan yer maydonini mahalla manfaatlari uchun xizmat qilishini ta’minlash, mahalladagi transport yo‘llarida yo‘l chiziqlarini yangilash va elektr tarmoqlaridagi yuklamalarni teng taqsimlash bo‘yicha vazifalar belgilab berdi. Ayni paytda mahallada 5136 nafar fuqaro istiqomat qiladi, shundan iqtisodiy faol aholi 1800 ta va ulardan 485 nafari mahalladagi tikuvchilik, chorvachilik, temirchilik kabi drayver yo‘nalishlarda xizmat qiladi. Yil boshidan beri mahallada 15 ta oila kambag‘allikdan chiqarildi. Aholiga tadbirkorlik va kichik biznesni rivojlantirish uchun 820 mln so‘m kredit va 93 mln so‘m ssudalar ajratildi. Marufjon Usmonov mahalladagi "Qodir tekstil" korxonasi faoliyati bilan ham tanishib, ishlab chiqarish hajmini oshirish, yangi mahsulot turlarini ishlab chiqarishni yo‘lga qo‘yishda o‘z ko‘magini taklif etdi va bildirilgan muammolar bo‘yicha mas’ullarga tegishli ko‘rsatmalar berdi.