"Appetito" konditer mahsulotlari ishlab chiqarish va savdo markazining yangi do‘koni o‘z faoliyatini boshladi. Tantanali marosimda Qo‘qon shahar hokimi Marufjon Usmonov mamlakatimizda davlatimiz rahbarining tashabbuslari bilan tadbirkorlikni rivojlantirish uchun yaratilgan keng shart-sharoitlarni ta’kidlab o‘tib, yangi markaz bilan tashabbuskor tadbirkorlar va mahalliy aholini muborakbod etdi. Qo‘qon shahar hokimi o‘z faoliyatini boshlagan yangi konditer markazida aholiga taklif etilayotgan mahsulotlar assortimenti, yaratilgan shart-sharoitlarni ko‘zdan kechirib, rahbariyat bilan muloqotda bo‘ldi. Suhbat chog‘ida xaridorgir mahsulotlar ishlab chiqarishni mahallalardagi ishsiz xotin-qizlarga o‘rgatish, ushbu tadbirkorlik tajribasini shahrimizda yanada keng joriy etish masalalari muhokama etildi. Tantanali marosimda 10 metr uzunlikdagi ulkan tort tayyorlanib, tashrif buyurgan mehmonlar, mahalliy aholi va bolajonlarga tuhfa etildi.