Qo‘qon shahar hokimi 42-davlat umumiy o‘rta ta’lim maktabida qishki mavsumga tayyorgarlik ishlari, qozonxonalar va ko‘mir zaxirasini ko‘zdan kechirib, mavjud muammo-masalalarni o‘rgandi. Davlat-xususiy sherikchilik asosida xizmat ko‘rsatayotgan korxona tomonidan bu yerda isitish tizimlari shay holatga keltirilib, ayni paytda ichki tarmoqlardagi harorat sinovdan o‘tkazilmoqda. Ko‘mir zaxirasi maxsus barpo etilgan omborxonada saqlanmoqda. O‘rganish davomida maktab binolari va oshxonasi ham ko‘zdan kechirilib, mas’ullarga bolalar ovqatlanishini autsorsing asosida tashkil etish, maktab hududini obodonlashtirish va ko‘kalamzorlashtirish bo‘yicha vazifalar belgilab berildi.