Tantanali tadbirda ishtirok etgan Qo‘qon shahar hokimi Marufjon Usmonov mamlakatimizda Davlatimiz Rahbarining tashabbuslari bilan ichki ishlar idoralari faoliyatini takomillashtirish va zamon talablari darajasiga olib chiqish borasida amalga oshirilayotgan islohotlarni ta’kidlab o‘tdi. Darhaqiqat, tezkor-qidiruv xizmati xodimlarining jinoyatlarni tezkorlik bilan fosh etish, jamiyatimizda qonun ustuvorligi va tinchlik-osoyishtalikni, jinoyatga jazoning muqarrarligini ta’minlashdagi o‘rni, sharafli va mashaqqatli mehnatlari beqiyosdir" Shahrimizda jinoyatlarni fosh etishda jonbozlik ko‘rsatgan bir guruh Qo‘qon shahar ichki ishlar boshqarmasi tezkor xodimlari va ko‘p yillar davomida fidokorona xizmat ko‘rsatgan soha faxriylariga esdalik sovg‘alari va Tashakkurnomalarini tantanali ravishda topshirildi.