Xususan, "Qo‘qon Biokimyo" korxonasiga tashrifi davomida Marufjon Usmonov korxona rahbariyati va ishchi xodimlar bilan muloqotda bo‘ldi. Muloqot chog‘ida korxonani rivojlantirish bo‘yicha istiqboldagi rejalar, mavjud muammo-masalalar va ishchilar uchun yaratilgan shart-sharoitlar o‘rganildi. Ayni paytda korxonada yiliga 2200 tonna glyuten va 14300 tonna spirt ishlab chiqariladi, bu yerda 485 nafar fuqarolar doimiy ish bilan ta’minlangan. Marufjon Usmonov korxona rahbariyatidan denaturatlangan spirt ishlab chiqarishga ruxsatnoma olish va aksiz solig‘ini bekor qilish bo‘yicha bildirilgan murojaatini hal etish yuzasidan mutasaddilarga vazifalar belgilab berdi.