Bugungi kunda deyarli barcha milliy oziq-ovqat savdo do‘konlari va novvoyxona, somsaxona va oshxonalarda rekonstruksiya ishlari boshlab yuborilgan. Sababi bu yerda faoliyat yuritayotgan har bir inson ertaga turizmdan qanday daromad qilishini yaxshi tushunib turibdi. Qo‘qon shahar hokimi Marufjon Usmonov bu yerda olib borilayotgan ishlarni ko‘zdan kechirib, tadbirkorlar va mutasaddilar bilan muloqotda bo‘ldi. Mas’ullarga qurilish ishlarini sifatli qilib, o‘z vaqtida nihoyasiga yetkazish bo‘yicha ko‘rsatmalar berildi.