Qo'qon shahar Qo'riqlash bo'limi xodimlari tomonidan jamoat xavfsizligini ta'minlash va mulkiy turdagi jinoyatlarning oldini olish maqsadida mahallalar hududida, savdo va maishiy ob'ektlarda aholi o'rtasida keng qamrovli profilaktik tushuntirish ishlari olib borilmoqda. Mazkur tadbirlar aholi o'rtasida huquqiy ong va madaniyatni yuksaltirish, turli xatar va tahdidlarga nisbatan ogohlikni oshirish, shuningdek, jamoat tartibini saqlashda fuqarolarning faol ishtirokiga erishishga xizmat qilmoqda. Targ'ibot ishlari davomida xodimlar tomonidan zamonaviy qo'riqlashning texnik vositalari, videokuzatuv kameralarining natijadorligi hamda Qo'riqlash Departamenti tomonidan taklif etilayotgan “aqilli uy” loyihasi xususida ma'lumotlar berilib, jamoatchilikning fikr mulohazalari tinglandi.