Qo‘qon shahar hokimi Marufjon Usmonov "Ashurali Zohiriy" mahallasida joylashgan eski tibbiyot punkti o‘rniga moslashtirilgan binoda shifokorlar va bemorlar uchun yaratilgan sharoitlarni ko‘zdan kechirib, mutasaddilarga binoni barcha zarur anjomlar, xo‘jalik xonalari bilan ta’minlash, qurilish ishlarini jadallik bilan nihoyasiga yetkazish bo‘yicha vazifalar belgilab berdi. Xususan, qurilish ishlarini olib borayotgan mas’ullar bilan bo‘lib o‘tgan muloqot chog‘ida binoning ichki va tashqi qismini yoritish, sanitariya tizimlari bilan ta’minlash va bino ichki qismida linoleum qoplamasini yotqizish bo‘yicha ko‘rsatmalar berildi.