Qo‘qon shahridagi 25-davlat umumiy o‘rta ta’lim maktabida yangi kasb-hunar ustaxonalari o‘z faoliyatini boshladi. Mehnat bozorida talab yuqori bo‘lgan qurilish sohasidagi kasblarga ko‘p yillik tajribaga ega ustozlar ta’lim beradi. Qo‘qon shahar hokimi Marufjon Usmonov mutasaddilar hamrohligida turli hunarlarga o‘qitishga mo‘ljallangan uskunalar bilan tanishib, ustozlar bilan muloqotda bo‘ldi. "Yoshlarni kasb-hunarga o‘qitish - Prezidentimiz tomonidan olg‘a surilgan muhim tashabbus, biz ushbu tajribani shahrimizdagi boshqa maktablarda ham albatta joriy etamiz", dedi muloqot so‘nggida Marufjon Usmonov.