O‘zbekiston tumanida 2025-2026 yillar kuz-qish mavsumiga puxta tayyorgarlik ko‘rish va uni betalafot o‘tkazish bo‘yicha kommunal sohalarda belgilangan tadbirlar rejali ravishda olib borilmoqda. Xususan, mavsumda aholini sifatli elektr energiyasi bilan ta’minlash maqsadida, tuman energetiklari tomonidan shu kungacha tuman hududidagi 94,2 km elektr uzatish tarmoqlari, 40 dona transformator punktlari mukammal ta’mirlandi. Qayd etilishicha, buning natijasida 2 mingdan ziyod aholi xonadonlarida elektr ta’minoti yaxshilanishiga erishildi. Hududlarda elektr ta’minotini yaxshilash, elektr qurilmalari va uzatish tarmoqlarini joriy hamda mukammal ta’mirlash ishlari jadal davom etmoqda.