Qo‘shtepa tumani hokimi Anvarjon Abdullayev Turkiyalik tadbirkor Memet Artuk Aslanni qabul qildi. Uchrashuvda tadbirkor tomonidan uzum tokning bargini tuzlab eksport qilish, yurtimizda pishib yetilgan mevalarni quritib qadoqlash hamda murabbolar tayyorlash bo‘yicha yangi loyihalarni amalga oshirish taklifi berildi. Tuman hokimi taklif qilinayotgan loyihalarning tuman iqtisodiyoti uchun ahamiyati katta bo‘lishini ta’kidlab, loyihalar to‘la qo‘llab-quvvatlanib, har tomonlama ko‘mak berilishini bildirdi. Muloqot davomida muhokama qilingan masalalar bo‘yicha hamkorlikda ish tashkil etishga kelishib olindi.