"Dahmai shoxon" ziyoratgohida 9-may Xotira va qadrlash kuni munosabati bilan o‘tkazilgan qurbonlik marosimida Qo‘qon shahar hokimi Marufjon Usmonov, O‘zbekiston “Veteran” jangchi-faxriy va nogironlari birlashmasi, nuroniylar, diniy idoralar, keng jamoatchilik vakillari ishtirok etdilar. Duolarda el-yurt farovonligi, mustaqilligimiz, chegaralarimiz dahlsizligini ta’minlash kabi sharafli vazifalarini ado etayotganida shahid bo‘lgan hamyurtlarimiz, Ikkinchi Jahon va Afg‘on urushi qaxramonlari va ma’rifatparvar jadid ajdodlarimiz ruhi shod etildi. Yurtimizga tinchlik-farovonlik, xalqimiz dasturxoniga to‘kin-sochinlik, xalqaro arenada tinchliksevar siyosat yuritib kelayotgan Muhtaram Yurtboshimizga sihat-salomatlik va uzoq umr tilab Qo‘r’on-tilovat qilindi.