Prezidentimizning "Xalqimiz ertaga emas, bugun yaxshi yashashi kerak" degan shiorlari Qo‘qon shahri misolida juda ham yorqin ifodasini topmoqda. Bunday darajadagi qurilishlar Yangi O‘zbekiston tarixida bo‘lmagan. Texnologiyalar va ilm-fan to‘qnash kelib, uzoq yillar inson farovonligiga xizmat qiladigan maskanlar yo‘qdan bor bo‘lib, vujudga kelmoqda. 17 ta osmonupar kranlar, yuzlab texnikalar, dehqon yerga ekilgan novdani ustirgani kabi, 100 ga yaqin ko‘p qavatli uylarni qaddini rostlatmoqda. Davlatimiz rahbarining amaldagi tashabbuslari bunday darajadagi qurilishlarni aholi avval faqat kinoda ko‘rgan. Renovatsiya dasturi va "Yangi O‘zbekiston" massivida olib borilayotgan ishlar, aholiga islohotlar mazmun-mohiyatini tushuntirish, qurilish ishlarining belgilangan reja asosida, sifatli qilib olib borilishi Qo‘qon shahar hokimining doimiy diqqat e’tiborida. Tez kunlarda bu yangi uylarga ko‘chib kiradigan minglab aholi oldidagi mas’uliyat yuki tufayli Marufjon Usmonovning ish kuni shahrimizning aynan shu hududidan boshlanadi. Uylar sifatidan tortib, kommunikatsiya, suv, gaz, elektr bilan bog‘liq masalalargacha, aholi murojaatlari bilan ishlash va tadbirkorlar muammolari har kuni albatta erta tongdan kun tartibida bo‘ladi. Renovatsiya dasturi asosida barpo etilgan birinchi qo‘p qavatli uy qurib bitkazilib, ayni paytda pardozlash ishlari boshlandi. Yaqinda avvallari ma’nan eskirgan xonadonlarda yashab kelgan fuqarolar va yangi xonadon egalari bu yerga ko‘chib kiradi. 8 kavatli uyda 120 ta 1, 2 va 3 xonali kvartiralar bo‘ladi. Ko‘p qavatli uylarda zamonaviy liftlar o‘rnatiladi. Ayni paytda elektr, santexnika tarmoqlari o‘tkazib bo‘lindi va tom qismini yopish ishlari nihoyasiga yetkazilmoqda. Yaqindagina qurilishi boshlangan yana 2 ta uyda ham ishlar jadallik bilan olib borilmoqda va ular ham tez kunlarda qurib bitkaziladi. Davlatimiz rahbarining tashabbuslari doirasida bu yerda istiqomat qilib kelgan aholi eskirgan xonadonlar o‘rniga eng zamonaviy uyolardagi kvartiralarga ega bo‘ladi.