Prezidentimizning xirurgiya xizmatini transformatsiya qilish, hududlarda jarrohlik amaliyotlari sifatini oshirish va ko‘lamini kengaytirish chora-tadbirlari to‘g‘risidagi qaroriga asosan hududlar va tuman (shahar) darajasida kam invaziv va yuqori texnologik jarrohlik amaliyotlarini keng joriy etish belgilangan.
Xususan Qo‘qon shahrida ushbu qarorning amaliyotga joriy etilishi natijasida ikkinchi bor yuqori texnologik tibbiy xizmatlarga muhtoj fuqarolarga shahrimizda yordam ko‘rsatilmoqda.
Voxidov nomidagi Respublikami xirurgiya markazi Qon tomiri xirurgiyasi va buyrak transplantatsiyasi bo‘limi rahbari Baxriddinov Fazliddin Shamsutdinnovich yordamida bugun og‘ir tashhis tufayli tushkun kayfiyatga tushib qolgan fuqarolarning muammolari hal bo‘lmoqda.