Qo‘qon shahar hokimi Marufjon Usmonov mahalla va ta’lim tizimi mutasaddilari, kun tartibidagi masalalarga aloqador rahbarlar bilan muloqotda bo‘lib, “O‘zbekiston Respublikasida aholi va qishloq xo‘jaligini ro‘yxatga olish tadbirini o‘tkazish to‘g‘risida”gi Prezident Farmoni asosida, davlat organlari va tashkilotlari 2026-yil 15-yanvardan 31-yanvargacha o‘z tizimida faoliyat yuritayotgan barcha xodimlarning census.stat.uz portalida ro‘yxatdan o‘tishini ta’minlashlari yuzasidan vazifalar belgilab berdi. Muloqot chog‘ida, shuningdek, "Mahallani rivojlantirish va jamiyatni yuksaltirish yili"da mahallalar ijtimoiy infratuzilmasini yanada yaxshilash, xizmat ko‘rsatish sohasini rivojlantirish bo‘yicha ham ko‘rsatmalar berildi.