Qo‘qon shahar hokimi Marufjon Usmonov "Ashurali Zohiriy" mahallasida faoliyat olib borayotgan 7-oilaviy poliklinikaning tibbiy punkti, bu yerda shifokorlar va bemorlar uchun yaratilgan sharoitlarni o‘rgandi. O‘rganishlar natijasida ushbu bino va tibbiy xizmat ko‘rsatish sharoitlari nomunosib deb topilib, binoni yangitdan, zamonaviy ko‘rinishda barpo etish, tibbiy punktni ayni paytda bo‘sh turgan binoga ko‘chirish yuzasidan topshiriqlar berildi. Mutasaddilarga yangi ajratilgani binoni tibbiy xizmatlar ko‘rsatishga moslashtirish, obodonlashtirish, ko‘kalamzorlashtirish va isitish tizim bilan ta’minlash vazifasi yuklatildi.