Qo‘qon shahar hokimi mutasaddi idoralar mas’ullari hamrohligida hududlarda aholi bilan muloqot qilib, muammolarning yechimini topish choralarini ko‘rmoqda. Xususan, Qo‘qon shahrining “Rayhon”, “Mustaqillik”, “Oltin vodiy”, “Zilol”, “Yangi obod”, “To‘g‘onboshi” va “Parpashabof”  mahalla fuqarolari yig‘inlari hududida joylashgan  jami 153 ta ko‘p qavatli uylardagi 5 324 ta xonadonlarda aholining tabiiy gaz ta’minotini yaxshilash maqsadida yangi gaz quvuri tortib kelinmoqda.