Qo‘qon universitetida o‘tkazilgan musobaqalarning tantanali ochilish marosimida mamlakatimizda davlatimiz rahbarining tashabbuslari bilan yoshlarni sportga keng jalb etish borasida amalga oshirilayotgan islohotlar e’tirof etildi. Darhaqiqat so‘nggi yillarda shaxmat sport turi bo‘yicha hamyurtlarimiz yuksak natijalarga erishib kelmoqdalar. Bugun Qo‘qon shahrida 47 ta umumta’lim maktablarining 84 nafar o‘quvchilari, talabalar va mahallalardagi uyushmagan yoshlar ishtirok etdilar. Yoshlarning intellektual salohiyatni oshirish, mantiqiy fikrlashni rivojlantirish hamda yoshlar orasida shaxmatni keng ommaoashtirish maqsadida tashkil etilgan turnirda g‘oliblikni qo‘lga kiritgan yoshlarga musobaqa tashkilotchilarining qimmatbaho sovrinlari topshirildi.