9-may – Xotira va qadrlash kuniga bag‘ishlab kichik va o‘rta yoshdagi o‘smirlar o‘rtasida sportning Yunon-Rum kurashi turi bo‘yicha Farg‘ona viloyati ochiq birinchligi musobaqasi Quvasoy shahrida bo‘lib o‘tdi. Mazkur musobaqada qo‘shni Qozog‘iston Respublikasi va Andijon, Namangan, Farg‘ona viloyatlaridan yosh sportchilar ishtirok etib, o‘z kuch va g‘ayratlarini maydonda namoyish qildilar. Yakunda, musobaqa g‘olib va sovrindorlariga diplom, g‘oliblik medallari va esdalik sovg‘alari tantanali ravishda topshirildi.