Yoshlar bog‘idagi amfiteatrda bo‘lib o‘tgan tadbirlar doirasida kitob yarmarkasi, "Bir dasturxon" turli millat vakillari pazandachilik namunalari, yoshlar ishtirokida turli aksiyalar bellashuvlar, raqs va tomoshalar tashkil etildi. Festivalga kelgan tomoshabinlar uchun do‘stlik va hamjihatlik, insonparvar g‘oyalarni targ‘ib etuvchi va ona vatanimiz madh etuvchi kuy qo‘shiqlar ijro etilib, ko‘tarinki kayfiyat baxshida etildi. Festival so‘ngida madaniyat va san’at sohasida turli yo‘nalishlarda o‘tkazilgan xalqaro tadbirlarda yuksak natijalarga erishgan yoshlar, iqtidorli hamshaharlarimiz Qo‘qon shahar hokimining Tashakkurnomalari va esdalik sovg‘alari bilan taqdirlandilar.