Bugun Qo‘shtepa tumani hokimligi Axborot xizmati tomonidan navbatdagi press-tur tashkil etildi. Unda ommaviy axborot vositalari xodimlari qatnashdi. Ishtirokchilar press-tur davomida tumandagi “Nurafshon” mahallasi hududidagi sanoatchilar mavzesida barpo etilayotgan ko‘p qavatli uylarning qurilish jarayoni bilan yaqindan tanishdilar. Ushbu mavzeda 6 ta 294 xonadonli uy-joy qurish rejalashtirilgan bo‘lib, hozirda “Baxodir Muhammad Tursin” xususiy korxonasi va “Marg‘ilon qurilish montaj invest” MCHJ tomonidan qurilish ishlari olib borilmoqda. Press-turdan so‘ng tadbir ishtirokchilari uchun tuman hokimligida “Tomorqadan samarali foydalanish, aholi daromadlarini oshirish bo‘yicha tumanda olib borilayotgan ishlar” mavzusida matbuot anjumani ham tashkil etildi. Matbuot tadbiri tuman hokimining moliya-iqtisodiyot va kambag‘allikni qisqartirish bo‘yicha birinchi o‘rinbosari – iqtisodiy taraqqiyot va kambag‘allikni qisqartirish bo‘limi boshlig‘i A.Yunusov ishtirokida bo‘lib o‘tdi. Anjuman davomida ishtirokchilar mavzu yuzasidan o‘zlarini qiziqtirgan savollarga tegishlicha javoblar olishdi.