2024-yilda Toshkent shahrida o‘tkazilgan “Besh tashabbus” olimpiadasi doirasida sportning para shashka turi bo‘yicha o'tkazilgan musobaqada Farg'ona viloyati, Farg'ona shahar Madaniyat mahallasida istiqomat qiluvchi Ismoiljon Ismoilov faxrli 1-o‘rinni qo‘lga kiritgan edi. Bu esa unga o'z mahallasida zamonaviy universal sport maydonchasi bunyod etilish imkoniyatini yaratdi. Bugun ushbu mahallada barpo etilgan zamonaviy universal sport maydonchasi tantanali tarzda foydalanishga topshirildi. Tadbirda Sport vaziri maslahatchisi Sharifjon Momindjanov, mahalliy hokimlik vakillari, mutasaddi tashkilot rahbarlari hamda faol jamoatchilik vakillari ishtirok etib, yosh sportchilarga ezgu tilaklarini bildirishdi.