Prezident tashabbusi bilan boshlangan “Dolzarb 90 kun” dasturi doirasida Farg‘ona shahrida yoshlar uchun qiziqarli va mazmunli tadbirlar tashkil etilmoqda. Shahar markazidagi “Yoshlar sayilgohi”da o‘tkazilgan navbatdagi madaniy tadbirda ko‘tarinki ruh hukm surdi. Farg‘ona shahri hokimligi, Madaniyat boshqarmasi va O‘zbekiston Davlat filarmoniyasi hamkorligida uyushtirilgan konsert dasturi yeg'ilganlarga quvonch ulashdi. Tadbir doirasida nafaqat musiqa, balki sport va tasviriy san’at sohalaridagi iste’dodli yoshlar ham qatnashdi. Sportchilar ko‘rgazmali chiqishlar bilan ishtirok etgan bo‘lsa, musiqa maktablari o‘quvchilari hamda chizmachilik to‘garagi a’zolari o‘z ijodiy ishlarini namoyish etdilar. Mazkur tadbir yoshlarda estetik did, vatanparvarlik tuyg‘ularini mustahkamlash va ularning iqtidorini ro‘yobga chiqarishga xizmat qilmoqda.