Бугун Қўқон шаҳридаги Ўрда майдонида Ўзбекистон ва Қирғизистон олий таълим муассасалари талабалари ўртасида ўтказиладиган “Талабалар спартакиадаси” спорт мусобақаларининг тантанали очилиш маросими бўлиб ўтди.
Президентимиз Шавкат Мирзиёев томонидан жорий йил 26-27 январь кунлари Қирғиз Республикасига давлат ташрифи доирасидаги музокараларда илгари сурилган ташаббуси билан илк бор ўтказилаётган “Талабалар спартакиадаси”нинг очилиш маросимида Ўзбекистон Республикаси ёшлар сиёсати ва спорт вазири Адҳам Икрамов, Қирғизистон Республикаси Маданият, ахборот, спорт ва ёшлар сиёсати вазирининг ўринбосари Айбек Абдимомунов, вилоят ҳокими Хайрулло Бозоров иштирок этдилар.