Чонджу шаҳри ҳокими ўринбосари бошчилигидаги делегация билан кенгайтирилган тартибда бўлиб ўтган мулоқот чоғида Қўқон шаҳар ҳокими Маруфжон Усмонов шаҳримизнинг маданияти ва тарихи, иқтисодий салоҳияти хусусида маълумот берди.
Музокаралар чоғида Жаҳон ҳунармандлари шаҳри унвонига эга Чонджу ва Қўқон шаҳарлари ўртасидаги ўхшашликлар эътироф этилди ва ўзаро манфаатли ҳамкорлик алоқаларини ривожлантириш нуқталари кўриб чиқилди.
Чонджу ҳамда Қўқон шаҳарларининг барча соҳалардаги салоҳиятларини намойиш этувчи тақдимотлар томонларга истиқболдаги режаларни янада чуқур тасаввур этишга имкон берди.
Бўлиб ўтган мулоқот чоғида эришилган келишувларга асосан икки шаҳарлар ўртасида узоқ муддатли стратегик ҳамкорлик тўғрисидаги меморандум имзоланди.