Давлатимиз раҳбарининг Фарғона вилоятига ташрифи давомида берган кўрсатмалари ижроси доирасида ташкил этилган Республика ишчи гуруҳи саъй-ҳаракатлари билан мукаммал таъмирланган таълим муассасасини фойдаланишга топширилиши муносабати билан ташкил этилган тантанали тадбирда Қўқон шаҳар ҳокими Маруфжон Усмонов, мактаб педагоглари, ўқувчилар ва уларнинг ота-оналари, маҳалла тизими мутасаддилари иштирок этдилар.
«Фақат сифатли таълим ва билимли ёшлар билан шаҳримизга кўрсатилган эътиборни оқлай оламиз, бино, ўқув жиҳозлари ва шароитлар билан боғлиқ муаммолар ҳал этиб берилди, энди ўқитувчилар ўз маҳоратини кўрсатадиган вақт келди», деди Маруфжон Усмонов мактаб жамоаси ва ота-оналар билан бўлиб ўтган мулоқот чоғида.
