Бу ерда олиб борилаётган ишлар давлатимиз раҳбарининг Фарғона вилоятига ташрифи давомида берилган кўрсатмалар ижросини таъминлаш мақсадида тузилган Республика ишчи гуруҳи назорати остида олиб борилмоқда.
Хусусан, шу кунга қадар мактаб фасади, фойе ва коридорлар мукаммал таъмирланиб, янги ромлар ўрнатилди. Мактаб ҳудудига янги асфальт қопламаси ётқизилиб, ташқи панжаралар бўялди. Оқова тармоқлари ва ҳожатхоналар таъмирланди.
Айни пайтда мактабда янги ташқи ёритиш тизимларини ўрнатиш ишлари олиб борилмоқда.