Қўқон шаҳар ҳокими Маруфжон Усмонов «Нурафшон» маҳалласида барпо этилган янги, 45-мактабни фойдаланишга топшириш бўйича олиб борилаётган тайёргарлик ишлари билан танишди.
Маҳалла аҳолисининг азалий орзуси-янги мактаб ҳали расман фойдаланишга топширилган бўлмаса-да ҳозирдан замонавий мактабда билим олишга ошиқиб келган маҳалла ёшлари учун дарс жараёнлари бошлаб юборилган.
Бошқа узоқ ҳудудлардаги мактабларда таҳсил олиб келган ёшлар ҳужжатларини ушбу мактабга топшириб, маҳалласидаги янги мактабда ўқиш истагини билдирмоқда.
Маруфжон Усмонов мактаб раҳбарияти, ўқитувчи ва ўқувчилар билан мулоқотда бўлиб, мавжуд муаммо-масалалар билан қизиқди.
«Давлатимиз раҳбарининг ташаббуслари доирасида барпо этилган ушбу мактаб албатта энг замонавий ўқув жиҳозлари билан таъминланади», деди Қўқон шаҳар ҳокими ёшлар билан бўлиб ўтган мулоқот чоғида.