Қўқон шаҳар ҳокими Маруфжон Усмонов, секторлар раҳбарлари иштирокида, таълим соҳаси ва маҳалла тизими мутасаддиларига янги ўқув йилига пухта тайёргарлик кўриш, ўқувчилар ота-оналарининг масъулиятини ошириш, ягона мактаб формасини кенг жорий этиш, ўқитувчилар ўртасида ҳам кийиниш маданиятини шакллантириш, мактаблардаги синф раҳбарлари ва ёшларнинг ота-оналари ўртасида самарали мулоқот ўрнатилишини таъминлаш, мактабларда ота-оналар кенгашлари таълим жараёнини назорат қилиб боришини, фарзандлар тарбиясига юксак эътибор қаратишини, мактаб ҳаётида фаол иштирок этишини таъминлаш бўйича кўрсатмалар берди.
15-18 август кунлари мактабларда, янги ўқув йилига тайёргарлик доирасида, тақдимот тадбирлари ўтказилиши белгиланди.
❗️ Бир қатор мактаб директорлари, маҳалла тизими мутасаддилари ташаббус кўрсатиб, намуна сифатида мактабларда юксак маданият ва ахлоқ, тартиб-интизом ва маънавият асосида мактаблардаги тақдимот тадбирларини биринчилардан бўлиб ўтказишни, таълим жараёнини юқори савияда ташкил этишни, янги ўқув йилини ўқитувчилар ва ўқувчилар учун ягона мактаб формасида ташкил этишни ўз зиммаларига олдилар.
“Таълим жараёнини юқори савияда ташкил этган мактаблар энг замонавий жиҳозлар билан тақдирланади”, деди Маруфжон Усмонов.
🎙 Оммавий ахборот воситаларига мактаблар рейтинги ва антирейтингини мунтазам ёритиб бориш бўйича тавсиялар берилди.