Shan. May 25th, 2024

Қўқон шаҳар ҳокими Маруфжон Усмонов хотин-қизлар фаоллари томонидан маҳаллаларда ўтказилган ҳатловлар натижасида аниқланган ижтимоий мослашув воситаларига муҳтож аёл-қизларга ногиронлик аравачалари ва эшитиш ускунларини топширди.

Президентимизнинг Оила ва хотин-қизлар билан ишлаш, маҳалла ва нуронийларни қўллаб-қувватлаш тизимини такомиллаштириш чора-тадбирлари тўғрисидаги Фармонига асосан хотин-қизларнинг муаммоларини ўз вақтида аниқлаш, оғир ижтимоий аҳволга тушиб қолган хотин-қизлар, шу жумладан, ногиронлиги бўлган аёллар билан якка тартибда ҳамда аниқ мақсадга йўналтирилган ишларни олиб бориш, уларга ижтимоий-ҳуқуқий, психологик ва моддий ёрдам кўрсатиш белгиланган.

14 та ногиронлик аравачалари ва 11 та эшитиш ускуналари эндиликда ногиронлиги ва нуқсони бор аёл-қизларни ижтимоий мослашувини яхшилашга хизмат қилади. Давлатимиз раҳбарини ёд этиб қўлларини дуога очган онахонлар самимий миннатдорчиликларини изхор этдилар.