Қўқон шаҳар ҳокими Маруфжон Усмонов Фарғона вилояти “Ҳунарманд” уюшмаси мутасаддилари, Қўқонлик ҳунармандлар билан II-Халқаро ҳунармандчилик фестивалига тайёргарлик масалаларини муҳокама этди.
Айни пайтда, ҳунармандлар устахоналари жойлашган Жомеъ мажмуасида кенг кўламли ободонлаштириш ишлари амалга оширилмоқда. Тарихий обида ҳудуди ҳамда атрофидаги гулзор ва майсазорлар обод этилмоқда. Манзарали гуллар ва кўчатлар экилмоқда.
Шаҳар ҳокими мутасаддиларга ҳунармандлар павильонлари ва мажмуа ҳудудини доимий ободончилигини таъминлаш бўйича кўрсатмалар берди. “Жахон ҳунармандлари шаҳри ва Туркий Кенгаш давлатларининг туризм пойтахти каби юксак мақомларга эга бўлган шаҳримизга эндиликда сайёҳлар оқими тўхтамайди, тарихий обидалар, марказий кўчалар ва шаҳримиз қиёфаси 24 соат кўркам кўринишда бўлишини таъминлашимиз шарт”, деди Маруфжон Усмонов.