Давлатимиз раҳбарининг 2019 йил 21 октябрьдаги “Ўзбек тилининг давлат тили сифатидаги нуфузи ва мавқеини тубдан ошириш чора-тадбирлари тўғрисида”ги 5850-сонли Фармонига асосан, Ўзбек тилининг халқимиз ижтимоий ҳаётида ва халқаро миқёсдаги обрў-эътиборини тубдан ошириш, униб-ўсиб келаётган ёшларимизни ватанпарварлик, миллий анъана ва қадриятларга садоқат, улуғ аждодларимизнинг бой меросига ворислик руҳида тарбиялаш, мамлакатимизда давлат тилини тўлақонли жорий этишни таъминлаш назарда тутилган.
📋 Давлат тили соҳасидаги қонунчилик ижросини таъминлаш мақсадида Фарғона вилояти ҳокимлиги ишчи гуруҳи шаҳар ва туман ҳокимликларида мониторинг ва тушунтириш ишларини олиб бормоқда. Қўқон шаҳар ҳокимлигида ҳам бу борада амалга оширилаётган ишлар таҳлил этилиб, керакли тавсиялар берилди.