Pay. Apr 25th, 2024

Маруфжон Усмонов секторлар раҳбарлари ҳамроҳлигида Марказий стадионда “Қўқон-1912” ва “Шўртан” жамоалари ўртасида ўтказилган учрашувда жамоамизга муҳлислик қилди.

Муросасиз курашларга бой бўлган учрашувда интрига сўнгги дақиқаларгача сақланиб турди. Чунки “Шўртан” жамоаси томонидан 27-дақиқада очилган ҳисобга қўқонликлар 1-таймнинг қўшиб берилган дақиқаларида Анвар Хожимирзаев томонидан мукаммал даражада ижро этилган пенальти билан жавоб берди.

Табиийки, 2-таймда кимўзар кайфиятда майдонга тушган жамоалар ўйини стадионга тўпланган минглаб муҳлисларга қизиқарли томоша ва хаяжонли дамларни туҳфа этди.

87 – дақиқада дубльга эришган Анвар Хожимирзаев “Қўқон 1912” ҳисобда олдинга олиб чиқди ва ўйин якунигача ҳисоб ўзгармади.

Про-лига учрашувлари 12-тури доирасида ўтказилган ўйиндаги ишончли ғалабадан сўнг, жамоамиз 3 очкога эга бўлиб, жами 20 очко билан турнир жадвалидан 3-ўринни эгаллади.

Кейинги ўйинни “Қўқон-1912” 8 август куни турнирда 4-ўринни эгаллаб жамоамизни қувлаб келаётган Муборакнинг “Машъал” жамоасига қарши ўтказади.