Dush. Mar 4th, 2024
Қўқон шаҳар ҳокими болаларга ўйинчоқлар ҳадя этди

Қўқондаги мактабгача таълим ташкилотларида 1 июнь – Халқаро болаларни химоя қилиш кунига бағишланган тадбирлар ўтказилди.

 

Хусусан 29-болалар боғчасида ўтказилган тантанали тадбирда Қўқон шаҳар ҳокими Маруфжон Усмонов ҳам иштирок этди.

 

Тадбирда тарбиячи ва тарбияланувчилар ижросидаги болаликни мадҳ этувчи куй-қўшиқлар, саҳна кўринишлари, кўргазмали чиқишлар намойиш этилди.

 

Шаҳар ҳокими мактабгача таълим ташкилоти тарбияланувчилари томонидан тайёрланган ҳунармандчилик маҳсулотлари кўргазмаси, шу ерда ташкил этилган Жалолиддин Мангуберди издошлари ҳарбий-ватанпарварлик гуруҳлари билан танишди.

 

Тадбир сўнггида шаҳар ҳокими байрам муносабати билан болажонларга ўйинчоқлар ҳадя этди.