Delegasiyani Qo‘qon shahar hokimi Marufjon Usmonov kutib olib, Qo‘qon shahrining diqqatga sazovor maskanlari bilan tanishtirdi. Xususan, Xudoyorxon O‘rdasida bo‘lgan yuqori martabali mehmonlar Qo‘qon shahrining qadimgi tarixi va madaniyati bilan tanishdilar.
30 iyul’ – “Xalqlar do‘stligi kuni” munosabati bilan Yevropada xavfsizlik va hamkorlik tashkiloti milliy ozchiliklar bo‘yicha oliy komissari Kayrat Abdraxmanov, Vazirlar Mahkamasi huzuridagi Millatlararo munosabatlar va xorijiy mamlakatlar bilan do‘stlik aloqalari qo‘mitasi raisi Rustam Qurbonov viloyatimizdagi milliy madaniy markazlar faoliyati bilan tanishish maqsadida tashrif buyurdilar. Ularga viloyat hokimining o‘rinbosarlari Jamshed Xatamov hamda Xurshid Ahmedovlar hamroh bo‘ldilar.