Ma’lumot uchun: 23-davlat umumiy o‘rta ta’lim maktabida kasb-hunar ustaxonalarini qayta jixozlash uchun 150 million so‘m mablag‘ sarflandi. O‘quvchilarni daromadli kasb va hunarlarga o‘qitishga sohalarda muvaffaqiyatli faoliyat yuritayotgan tadbirkorlar biriktirildi.
Maktabni bitirgan o‘quvchilar bilimlar bilan bir qatorda mehnat bozorida talab yuqori bo‘lgan kasblar va daromadli hunarlar egasi bo‘lib yetishishi uchun Qo‘qon shahar hokimi Marufjon Usmonov bu yerdagi ustaxonalarni shaxsiy nazoratiga olgan.
Davlatimiz rahbarining tashabbuslari bilan mamlakatimiz ta’lim tizimida amalga oshirilayotgan islohotlar natijadorligini ta’minlash maqsadida Qo‘qon shahrida maktab bitiruvchilarini mustaqil hayotga bilim va amaliy ko‘nikmalar “hurjuni” bilan kuzatish amaliyoti joriy etilmoqda.
Hususan, 23 maktabdagi tikuvchilik ustaxonasida 50 nafar yuqori sinf uquvchilari tikuvchilik hunarini o‘rganmoqda. Bu yerda ishlab chiqarilayotgan mahsulotlar Qo‘qondagi sanoat bozorlarida haridorgir bo‘lmoqda. Orttirilgan daromad ustaxona hom-ashyo va uskunalar bazasini mustahkamlash va o‘quvchilarni rag‘batlantirishga sarflanadi.