Tantanali marosimda Prezident Xalq qabulxonasi rahbari Ulug‘bek Muhammadiyev, Qo‘qon shahar hokimi Marufjon Usmonov va boshqa rasmiylar ishtirok etdilar.
Tadbirda mamlakatimizda davlatimiz rahbarining tashabbuslari bilan ta’lim sohasida amalga oshirilayotgan tub islohotlar, Qo‘qon shahridagi ta’lim muassasalarida davlatimiz rahbarining Farg‘ona viloyatiga tashrifi davomida berilgan ko‘rsatmalar ijrosi doirasida olib borilgan bunyodkorlik ishlari xususida ma’lumot berildi.
Maktabda amalga oshirilgan ishlarga homiylik qilgan “O‘zkimyosanoat” aksionerlik jamiyati mutasaddilariga Maktabgacha va maktab ta’limi vaziri va Qo‘qon shahar hokimining Tashakkurnomalari va esdalik sovg‘alari topshirildi.
Ta’lim muassasasida amalga oshirilgan ta’mirlash ishlari, o‘quvchilar uchun yaratilgan sharoitlar bilan tanishgan mutasaddilar ota-onalar va yoshlar bilan muloqotda bo‘lib, o‘quvchilarning bilim va ko‘nikmalarini sinab ko‘rdilar.
Tadbir so‘nggida Ulug‘bek Muhammadiyev va Marufjon Usmonov maktab hududida yangi barpo etilgan sport maydonlarini ko‘zdan kechirib, futbol va basketbol maydonlaridagi ilk gollarni kiritdilar.