O‘zbekiston Yoshlar Ittifoqi, UBS universiteti va Qo‘qon shahar hokimligi hamkorligida yoshlar o‘rtasida ona vatanga muhabbat, Yangi O‘zbekiston g‘oyalarini keng targ‘ib etish, bilim olishga bo‘lgan qizqishlarini oshirish maqsadida tashkil etilgan festivalda Qo‘qon shahar hokimi Marufjon Usmonov ham ishtirok etdi.
Tantanali tadbirda Qo‘qon shahar hokimi Marufjon Usmonov va O‘zbekiston Yoshlar Ittifoqi Farg‘ona viloyati Kengashi raisi Soxibjon Jumanovlar faol yoshlarga Tashakkurnomalar va esdalik sovg‘alarini topshirdilar.
El suygan san’atkorlar, aktyor va aktrisalar, ijtimoiy tarmoqlar qaxramoniga aylangan iqtidor egalari ishtirok etgan shouda turli yoshdagi hamshaharlarimiz konsert dasturidan bahramand bo‘lib, UBS universiteti xususida batafsil ma’lumotlarga ega bo‘ldilar.
Konsert dasturida vatanparvarlik, yoshlarni bilim olishga bo‘lgan ishtiyoqlarini oshirish g‘oyalari keng aholi qatlamlari uchun qulay badiiy uslubda yetkazilib, tomoshaga yig‘ilgan hamshaharlarimizga ko‘tarinki kayfiyat bahshida etildi.