Qo‘qon shahar sportni rivojlantirish bo‘limi sa’y-harakatlari bilan tashkil etilgan dzyudo sport to‘garaklarida 20 nafar yoshlar muntazam sport mashg‘ulotlariga jalb etildi.
Majmuani tantanali ochilish marosimida Qo‘qon shahar hokimi Marufjon Usmonov, sektorlar rahbarlari va keng jamoatchilik vakillari ishtirok etdilar. Marufjon Usmonov mamlakatimizda davlatimiz rahbarining tashabbuslari bilan jismoniy tarbiya va sportni rivojlantirish, uni keng targ‘ib etishga qaratilayotgan e’tibor xususida to‘xtalib o‘tdi.
Mutasaddilar yangi sport majmuasining zallari bilan tanishib, tarbiyalanuvchilar bilan suhbatda bo‘ldilar. Shahar hokimi mavjud muammolar va masalalar bilan ham qiziqib, yoshlarni sportga keng jalb etish bo‘yicha o‘z fikr-mulohazalarini bildirdi.