Qo‘qon shahar hokimi Marufjon Usmonov davlatimiz rahbari raisligida Gidroenergetika sohasidagi loyihalar va kuz-qish mavsumiga tayyorgarlik holati bo‘yicha o‘tkazilgan videoselektor yig‘ilishida belgilab berilgan vazifalar ijrosi yuzasidan topshiriqlar berdi.
Ma’lumki, kuz-qish mavsumiga tayyorgarlik masalalari Prezidentimizning doimiy diqqat markazida bo‘lib turibdi. Yig‘ilishda energetika tizimidagi shu boradagi ishlarga to‘xtalib o‘tildi.
So‘nggi besh yilda mamlakatimizda mazkur tarmoq va transformatorlarni modernizatsiya qilishga 4 trillion so‘mdan ziyod mablag‘ ajratildi. Joriy yilda Toshkent shahridagi energetika infratuzilmasini modernizatsiya qilish bo‘yicha katta dastur boshlandi.
Shuningdek, har bir viloyatda kuz-qishni betalafot o‘tkazish uchun kamida 10 milliard so‘mdan zaxira shakllantirilmoqda. Bu mablag‘alar evaziga transformator, sim va boshqa ehtiyot qismlar yangilab boriladi.
Shahar hokimi va sektorlar raxbarlari, kun tartibidagi masalalarga aloqador mas’ullarga issiqlik tizimlarini ta’mirlash va modernizatsiya ishlarini jadallashtirish, kuz-qish mavsumida aholi va ijtimoiy soha muassasalari ehtiyoji uchun ko‘mir yetkazib berish, aholi ehtiyoji uchun yetkazib berilgan ko‘mirni yuqori narxlarda noqonuniy sotib yuborish va talon-toroj qilishga yo‘l qo‘ymaslik bo‘yicha ko‘rsatmalar berdi.